Прылада ахоўнага адключэння - ратуе жыццё!

Устаноўка ПАА — крок насустрач бяспецы!

ПАА (прылада ахоўнага адключэння) — гэта камутацыйны апарат для абароны людзей ад паражэння электрычным токам і пажараў.

Змадэлюем звычайныя сітуацыі, у якіх менавіта ПАА выратуе вас ад пажару ці паражэння электрычным токам:

• дзіця разбірае, ламае, засоўвае староннія прадметы ў электрапрыборы, у тым ліку ў разеткі;

• у гаражы, доме, у хляве вы ўзялі ў рукі ці наступілі на падключаны да сеткі падаўжальнік або провад сілкавання любога электрапрыбора, у якога пашкоджана ізаляцыя аж да токаправоднай жылы (парэзы, пацёртасці, мікратрэшчыны);

• у вас у доме, гаражы ці ў кватэры двухправадная электрычная сетка — без ахоўнага правадніка, а ў пральнай машыне, халадзільніку, мікрахвалевай печы выйшаў са строю адзін з элементаў электрычнай схемы, у выніку чаго на корпусе электрапрыбора з’явіцца небяспечнае напружанне. Аўтаматычны выключальнік ці засцерагальнік не спрацуюць. Пры дакрананні чалавека праз яго пачне працякаць электрычны ток уцечкі смяротнай велічыні (больш за 100 мА);

Калі апісаныя вышэй сітуацыі могуць у вас адбыцца — усталюйце ПАА, не чакайце бяды!!

Устаноўка ПАА абавязковая:

• для разеткавых ліній, а таксама ліній, якія сілкуюць стацыянарна ўстаноўленае электраабсталяванне і свяцільні ў ванных і душавых памяшканнях;

• для электрычных цёплых падлог, электраабагравальнікаў, электраканвектараў;

• пры падключэнні бытавой тэхнікі — пральных і посудамыйных машын, электрапліт і электраводанагравальнікаў;

• пры ўладкаванні электраправодак у садовых доміках.

Больш карыснага пра энергабяспеку і карыстанне газам у побыце на нашым афіцыйным сайце https://gosenergogaznadzor.by у раздзеле «Бяспека».